ВИДЕОКОНКУРС. ҺӘҘИӘ ДӘҮЛӘТШИНА ИЖАДЫ

Описание

2020 йылдың 5 мартында танылған башҡорт яҙыусыһы, Салауат Юлаев исемендәге республика дәүләт премияһы лауреаты Һәҙиә Дәүләтшинаның тыуыуына 115 йыл тула. Ошо уңайҙан Башҡорт дәүләт университетының Бөрө филиалы видеоконкурс ойоштора. Бының өсөн Һәҙиә Дәүләтшинаның бер шиғырын йә прозаһынан өҙөктө яттан һөйләп, видеокамераға төшөрөргә, заявка тултырырға һәм ошо төркөмгә https://vk.com/club190226578 ебәрергә кәрәк. Видеосюжетығыҙҙы көй-моң һәм техник ысулдар менән биҙәргә лә мөмкин. Төп иғтибар тасуири уҡыуға һәм шиғырҙың көсөн, мәғәнәһен тулы килеш биреү маһирлығына биреләсәк. Йәш сикләнмәй. ОЙОШТОРОУСЫ: • Башҡорт дәүләт университетының Бөрө филиалы. КОНКУРСТЫҢ МАҠСАТТАРЫ: – Һәҙиә Дәүләтшинаның ижадын пропагандалау, өйрәнеү. – Шиғри һәләттәрҙе асыу. – Туған телебеҙгә ихтирамды арттырыу, илһөйәрлек тойғоһо булдырыу. ҮТКӘРЕЛЕҮ ВАҠЫТЫ: Конкурс 2020 йылдың 17 ғинуарынан 28 февраленә тиклем дауам итә. ЕҢЕҮСЕЛӘР: Еңеүселәр йыйылған тауыштар иҫәбе һәм жюри ағзаларының фекере буйынса билдәләнәсәк. БҮЛӘКТӘР: Еңеүселәрҙе иҫтәлекле бүләктәр, дипломдар, дәртләндереү приздары көтә. ЖЮРИ СОСТАВЫ: Зәки Әлибаев, Башҡортостандың Яҙыусылар союзы рәйесе, тәнҡитсе, филология фәндәре кандидаты; Таңсулпан Бабичева, Заһир Исмәғилев исемендәге Өфө дәүләт сәнғәт институтының режиссура һәм актёр оҫталығы кафедраһы мөдире.; Гөлсәсәк Саламатова, Заһир Исмәғилев исемендәге Өфө дәүләт сәнғәт институтының режиссура һәм актёр оҫталығы кафедраһы доценты; Ғәлиә Ғәниева, БДУ-ның Бөрө филиалы филология кафедраһы доценты; Гөлнур Ҡасҡынова, БДУ-ның Бөрө филиалы филология кафедраһы доценты.